De Töff isch scho weg u i bi uf em Sprung

Am 26. März het`s am morge bi üs nochli gschneit u am nami teilwis pisset wie blöd wo i Richtig Klote unterwegs gsi bi, de Töff i Flüger go ufgeh. Ha zwar s`Regezüg scho agha, git aber glich bessers.

Ds Ufgäh isch gäbig gange u die zwe Lüt vom Planzer wo de Töff verzurret hei, hei richtig Spass gha.

Dr Töff isch när am 27te scho vorgfloge uf i hoffe i gfindne ds Vancouver wieder.

Mi Flug isch am erschte April u de ha i no es paar Täg in Vancouver i planet (e chli Stadt aluege, de Töff us em Zoll bringe u je nach Wätter scho mau mit em Töff e bitz usfahre), bevor i am Osterzischtig (14.04) für drü Wuche d`Schuelbank in Victoria drücke.

Sowit de Moment, nächschtmau de us Kanada.

Tschou zäme