Vancouver-Victoria

Tja de erscht Bricht vo unterwegs, het ja o duret!

nachdem i e knappi Wuche in Vancouver unterwegs bi gsi, de Toeff us em Zoll bracht ha, bi i scho chli unterwegs gsi bevor`s mer itze sit ere guete Wuche in Victoria d`Schuelbank drueckt.

Vancouver isch nid eso bsunders gsi, ussert das ke Kebab bechunsch nume Asiate-Fast Food, wo relativ schnell uf d`Verdouig wuerkt.

Als erschts ha i woelle Whistler bsueche u dert mis Zelt ufschlah, doch wender Foeteli lueget gseht dr das es no liecht ds kalt isch gsi. Drum retour uf Squamish u dert fuer  3 Taeg mis Lager ufgschlage. Bi es bitzeli umegwanderet u ha ds erscht mau Natur echli bewunderet.

Naer bi i uf Vancouver Island uebereghopset mit de Faehre u in Nanaimo im ne Hoschtel undercho; es truurigs Loch isch es gsi die Stadt, muesst nuem derthaere.

Uf em Waeg nach Victoria ha i ds naechschtmau im Goldstream Provinical Park ds Zelt ufgschlage. Isch wuerklich schoen derte, falls dr mau ir Gegend sit.

Itze sit 10 Taeg ir Sprachschuel in Victoria am Englisch bueffle, chunnt guet.

Undercho bi i bire Vietnamesische Gaschtfamilie, d.h. i ha mini Risration fuer`s Jahr scho gha. Fuer mi isch Victoria die schoeneri Stadt als Vancouver u de Usgang am Abe mit dene verschiedene Natione macht o Spass, bsunders will d`Asiate no weniger Bier moege verliede als i.

Ha itze no zwe Wuche hie, naer bin i de chli meh unterwegs.

Sowit de Bricht bis itze, lueget echli d`Foeteli a es si ja nid soviel (ke Zyt zum abdruecke)