Gruezi wohl mitenand,

wie dr uf em Foeteli echli erchenne cheut, isch ds Chind im Mah wieder emau dueregsickeret, wo mer uf dr Baja im ne grosse sandchaschte mit uesne Toeffli gspielt hei. Spass ewaeg u de heisst das ploetzlich "grobi Buetz" bi oeppis ueber 40 Grad ohni Schatte.

Aus dr Reihe na itze: De Grenzuebertritt in Tecate hei mer ds fueft gmacht, drue Duetschi, e Englaender u I. Isch o ohni Problem gluefe, wie bis itze eigentlich aus in Mexico, nume echli warte u Stempel sammle.

Wie obe a toent isch Baja California e Bachofe gsi u we de ke Teer meh underem Rad hesch gha, ischs es wuerklech fasch nuem zum ushaute gsi.

Hei dert 4 oder 5 Taeg verbracht u si de mit dr Faehre  ufs Feschtland uebere. Hei uf dere chline Faehre no maechtig Wellegang gha was nid aune becho isch, zum Glueck isch aber sMaterial guet abunde gsi so das ke Schade ds vermelde isch. Hie uf Feschtland si mer itze langsam Richtig em Barrancas del Cobre gfahre ( teilwies nume 150km pro Tag) wo e art Grand Canyon isch nume viel verzweigter. Nachdem mer itze es paar Taeg zaeme unterwegs gsi si, gheit uesi Gruppe wieder langsam usenander will jede chli eigeti Plaen het.

Ds naechschte wo bi mir asteit isch e Sprachufenthaut vo oeppe 2-3 Wuechene damit mis Spanisch chli besser wird.

Mau luege ob i vo dert us euch wieder Bscheid gibe oders ganz eifach lah la si.

Gruessli a dene wos verdient hei

Aedu