Wiederemau uf Sendig,

ha sletscht Mau ja atoent das i i ne Sprachschuel gah wott. Das ha i itze o scho wieder hinder mir, aber gmuetlich de Reihe na:

Vo Creel, ueber e wunderbari Gaegend, si mer meh oder weniger mitenand zerscht nach Parral, aschliessend Durango nach Zacatecas glanget. Dert hei zwoi vor Gruppe naecheri Bekanntschaft mit de mexikanische Spitaeler gmacht, drum si mer o oeppe e Wuche dert gsi. Vo dert us isch jede wieder allei witers, mini Richtig hett mi ueber Tequila nach Puerto Vallarte bracht. Hie ha i jetzt drue Wuchene Spanisch buefflet, am Nami am Strand glaege u am Abe de Usgang gnosse. Nid schlaecht! Ds Bloede isch eifach das i ir erschte Wuche chli go Fussball spiele gsi bi, u die wo mi chli kenne wuesse was jetzt chunnt?

Jawohl ha mer wiederemau s'Knoi verdreht!! Da i aber im Usgang o nid wuerklech still gsi bi, isch's immer no gschwulle. Mau luege wies bim Toeffahre geit?

Eigentlich ha i am Sunntig woelle lostuckere, aber da Poscht scho zu gha het wo i mit mim Paeckli a ds trudle cho bi warte i itze bis am Maendig, 07.09., bevor i witerfahre tue.

Moecht zerscht nochli dr Kueschte na fahre u de irgendeis Richtig Landesinnere abzweige, denn choemme itze langsam Ruine vo de Mayene u de Aztekelis i Richwiti wo i soett go bsueche. Waswowie isch aber immer no offe.

Hoffe bim naechschte Bricht schrieb i us em ne andere Land, nid das i no hie hangebliebe tue und mi nume am Agavegetraenk widme tue!

 Saludos a todos