Bevor i richtig afa ds verzelle tue, heit dr Strass uf em Bildli o scho gfunde????

 

O.K.

 auso i daem Moment d'Antwort wiso das i scho wieder uf Sendig bi grad am Afang.

Ha wieder emau woelle campiere, ha aber echli Problem mir dr Verdouig im Moment drum isch es besser ir Zivilsation ds bliebe u nid die schoen Gaegend ds duenge!!!

 

So, nachdem i in Quito de Olly verlah ha, bi i mit Abstechere links u rechts gaege Suede a ne Hinterhof-Grenzuebergang zu Peru glanget. Ha irgendwie gfalle a dene chline Strassene becho u bi itze, nachdem i ir Gaegend vo Chachapoyas es Kulturprogramm dueregmacht ha, nume no uf dene Dreckpischtene unterwegs gsi.

Isch vergnuegsam gsesch doch echli meh vom Land u Tourischte hetts o keni (ussert mir). Ds Problem isch eifach chunsch nid vorwaerts.

Mittlerwile bi i itze ar Cordillera Blanca acho mit ihrne 6000er, u wott itze aebe hie echli go campiere gah. O wieder echli absiets vo dene Tourischte wo's hie o ir Raegesaison hett. Tja Raegesaison, isch leider echli schad. D'Wulchene verbirge die schoen Ussicht u am Nami chunnt's immer cho raegne. Drum o no ke Foeteli vo hie (hoffe das we i ir naechi am campiere bi, das i besseri Motiv gfinde tue).

Aschliessend vo dere Gebirgswelt soett i aber wieder emau vorwaerts mache suesch wird das nie oeppis mit Argentinie (langsam choeme bi mir Zwiefel uf ueber mis Reiseverhalte).

Meh git's nid ds brichte ha die meischt Zyt mit de Foeteli ufelade verbracht u itze soett i aebe wiederemau uf's WC, drum eifach nume Tschuess u me gseht sech.

 

Gruess Aedu