Nachdem d`Schuel fertig abghocket gsi isch, bi i aus erschts uf Tofino\ Pacific Rim National Parc. Au Andere hei gschwaermt vo dert mit dem Sandstrand, Sunneuntergaeng usw. Bi mir het`s mehrheitlich eifach nume Raegnet, fuef Taeg lang. Drum o nume wenig Foeteli vo dert. D`Voegel het`s nid gstoert u drum isch o underanderem so ne Kolibri vor d`Linse gflatteret. Ds Problem isch mit dere Kamera wo i ha, cha i zwenig haere zoome, Schaad. Bi dert o es Whale Watching go mache, aber bis uf es paar Ruegge ha i vo dene Fischli nid viel gseh. Derfuer ziemli am Afang vor Tour e Wolf am ne Ufer mitbecho, schoeni Sach. Nach em Nationalpark isch mer die ganz Insle (Vancouver Island) go abfahre, ir Hoffnig dass i am Nordendi d`Faehre nach Prince Rupert verwuetsche. Tja die het e technische Defekt gha u isch e Wuche lang nid gfahre!! Juhee, de haut wieder abe u ds Nanaimo wiederemau uebernachtet, ja es die Stadt wo sich nid lohnt, aber es het graegnet wie bloed u de isch so es Hoschtel haut scho gaebig. Am naechschte Tag de ueber Whistler Richtig Lillooet witergfahre, natuerlich o wieder bi stroemende Raege, de no so ueber e souchalte Pass u dert hets mi chli verwuetscht.Ds schoene a dere Sache isch einzig gsi, das i mi erscht Grizlly gseh ha, es maechtigs Tier so us em ne Abstand vo oeppe 5m am Strasserand (Schwarzbaerli het`s mer itze sicher scho 10 Stueck gseh, vo ganz chli bis echli groesser). Bi aschliessend drue Taeg flachglaege in Lillooet. Wo es de wiedere einigermasse gange isch, isch Abfahrt Richtig 93Mile House agseit gsi, dert en Schwank ueber Strass 24 nach Kamloops. Uf dere Fahrt het`s ghaglet, gschneit u isch o zwueschedri o chli sunnig gsi, jawohl het Spass gmacht mit 100 km\h i nes Scheegstoeber iche ds fahre!!

Ir Region Kamloops drue Taeg bliebe teilwies wieder bi Raege. Ha mer aschliessend oeppis guet`s atue u bi in ne Hot Springs Alage zwe Taeg de gschundeni Koerper go pflege, cool, bzw. schoen warm gsi. De uf der Fahrt i Suede vo Canada het`s mi de nomau   2mau verschneit so dass i  itze gnueg vo Canada ha u Richtig de State verschwinde. Sowiet de Moment