Tja wieder emau uf Sendig,

bi itze zimlich im Suede vo de USA acho  u bereite de Sprung nach Mexiko vor.

sit em letschte Schriebe bi i witeri Nationalpark go aluege gsi, bis si mer echli zum Hals usehanget si. Teilwies nume duere gfahre wills eifach zviel Luet gha hett, z.B. Zion u Yosemite NP. 

Vom Wetter ha i mitbecho heit dir`s nid eso praechtig wie i, der einzig Raege ir letschti isch vom Sprinkler uf em Zeltplatz gsi.

Hett aber o si Nachteil, ha viel Spass gha bi ueber 40 Grad ir Toeffmontur duer di verschiedene Wueschtegebiet ds fahre.

Ds Moppedli macht o immer echli mit, maengisch hett`s eifach echli heiss.

Ha vor oeppe ere Wuche mi erscht Platte ufglaesse, dank der Hilf vo zwene Dame u eme ne coole Toeffmech isch das aber gli behobe gsi.

Vo der Strassene chan i o nuem klage, ha ir letschti viel Kurvene gseh u wenn waeg vor Strass geisch, isch`s Limit uf dene Dirtroads nid de Toeff oder ds Gsetz sondern mini Fertigkeite ( scho grobi Sache dueregmacht, bsunders mit em ne Englaender wo i am Grand Canyon kenne glernt ha. E chline Hike woelle mache u das isch am Schluss ueber 100 Km Endurospass vom feinschte gsi). Mit dem Typ wott i o ueber d`Grenze i Suede uebere, isch echli sicherer so. Soett em nume mau es Mail geh u ha doch itze die verfuegbari Zyt mit dem bloede Bricht scho wieder verplaemperet ( i de Libary wo i die Sache erledige hesch nume beschraenkt Zyt zur Verfuegig, drum froei i mi uf Mex, wo`s schienbar a jedere Strasse es Interenetcafe het.

So ha i wieder mini Pflicht erledigt, wuensche euch witerhin aus gueti u de wieder is es paar Wuchene, Tschuess