Tja isch fertig, bi zrügg!!!!

 

Sit öppe zwe Wuchene bi i itze wieder ir chaute Schwyz, gfaue tuets mer nonig so.

Aber de Reihe nach:

Vo Huaraz wo i es paar Täg usgspannet ha, bi i echli i de Cordillera Blanca unterwegs gsi, isch mega dert. De het's mer när d'Strass Richtig Küschte gno, nid wüssentlich das i wite Teile vo Peru Ueberfluetige stattgfunde hei oder no adure, Schwein gha. Weniger Schwein gha, ha i, wo i de Bode küsst ha uf em Wäg zur Küschte (dene wo's wei wüsse erkläre i de Unfallhergang de scho). Zum Glück isch nüd Heftigs passiert, de Töff hett es paar Schramme meh u o i ha nume chlineri Blessure gah. Da ha mers ar Küschte  zwe Wuche guet gah lah bis i wieder uf e Töff kletteret bi. De bis Nasca d'Linie bestuhne u aschliessend de Friedhof vo Chauchilla. Naeschts Highlight isch de Colca Canyon gsi. Dert ha i o ds erscht mau de Pablo César atroffe, wo mer später de Töff abkouft hett. Nach em Canyon hetts mi nach Arequipa triebe.

Dert ha i ds erscht de Olly wiedertroffe (slescht Mau uf dere Reis) und kurz drüberabe o de Pablo César. Hei de Deal klar gmacht u de Töff isch weg gsi.

Ha när n bir Familie gwohnt für es paar Täg u si hei mer d'Umgebig vo Arequipa zeiget näbscht em ne Stierkampfnamittag. Ungloublech gaschtfründlech!

Kurz drüber hocke i im ne Bus bis Lima, de mit em Taxi quer dür d'Stadt uf e Flughafe, warte dert es paar Stund u über Amschterdam flügts när i d'Schyz. Isch echli e Marathon mit für mi ungwöhnliche Reismobil gsi.

Zum guete Glück isch de Renald mit Familie am Flughafe gsi u hett mi heim cho lah.

Dank dr Renald u Natascha o no mau fürs Gleischtete deheim!!!!!!!!!!!!!

 

Ha itze no es paar Täg zum aklimatisiere bis i am erschte April wieder go schaffe sött.

Isch nochli ds früeh um scho abgschlosse ds ha mit dere Reis, viellech schriebe i später no öppis derzu.

Ha wieder es paar Föteli igstellt. Wirde vielech später emau anderi Fotone oder Reisebricht verfasse, drum lueget ab u zu iche.

Grüessli Aedu