Isch ja scho wahnsinnig wie mini Reiseplaen choei duerenand bracht werde:

 

Kolumbie fuer die wo's nid gloube tue isch wunderschoen, baschta.

 

Hei echli lang gha duer das Land ds travelle, zum Teil will d'Landschaft so schoen isch gsi. Zum Andere will mer Kultur nid vernachlaessige wott (die Alti vergangeni u die Neui am Abe i de Gaschtstaettene).

Churz gseit mir si hange bliebe. Si echli quer duer ds Land gschipperet u hei ues triebe lah.

D'Konsequenz isch jetzt das i nuem bis ganz abe nach Patagonie wott, sondern mi uf Peru, Bolivie u em Norde vo Chile u Argentinie widme tue. Hoffe i schaffes bis Buenos Aires?

 

Suesch git's eigentlich nid viel ds brichte, bi gsund u gfraessig (ha langsam eifach de Ris echli satt wott immer bechunsch, au scho zum Zmorge).

Dr Toeff haebet o einigermasse duere oder so.

 

Hie in Quito wirde i Olly, de Englaender mit dem i itze scho sit Guatemala reise tue verlah u fahre alleini witers, ob i daduer schneller wirde isch e anderi Frag?

 

Euch wuensche i e schoeni Wiehnacht u e guete Rutsch is neue Jahr (mir natuerlich o, hehe).

 

Habet's guet u meh gsht sich im 2010

 

Adi

 

 

 

P.S. Ke Kommentar waege es si ds viel Foeteli- bi ja schliesslich wieder sit siebe Wuchene unterwaegs gsi ohni es Update!!!!